ខេត្តកំពង់ចាម ៖ លោក ឈុន ស្រ៊ា ប្រធានសាខាប្រេងឥន្ធនៈតេលា សាខាខេត្តកំពង់ចាម នាព្រឹកថ្ងៃទី ១១ ខែមេសា ឆ្នាំ ២០២០នេះ បាននាំយកអំណោយ ជាអង្ករគ្រឿងឧបភោគបរិភោគ និងសម្ភារៈមួយចំនួនទៀត ជូនដល់គណៈកម្មការប្រយុទ្ធប្រឆាំងជម្ងឺកូវីដ ១៩ ខេត្តកំពង់ចាម ដើម្បីចូលរួមប្រឆាំងនឹងជំងឺកូវីដ-១៩ ។
អំណោយដែលបានផ្ដល់ជូនរដ្ឋបាលខេត្តកំពង់ចាមរួមមាន អង្កចំនួន ៣តោន ម៉ាស់ចំនួន ៥០០០ ក្រម៉ាចំនួន៥០០ មី ចំនួន ៣កេសធំ នឹងអាលកុលចំនួន៨កាន ស្មើរនឹង២៤០លីត្រ ផ្តល់ជូន គណៈកម្មការ ប្រយុទ្ធ ជំងឺកូវីដ ១៩ ខេត្តកំពង់ចាម សម្រាប់ ចាត់ចែងក្នុងយុទ្ធនាការ បង្ការ ទប់ស្កាត់ការ រីករាលដាល នៃវីរុស កូរ៉ូណា (កូវីដ-១៩) ។ស្ថិតក្នុងឱកាសនោះបន្ទាប់ពីថ្លែងអំណរគុណដល់ម្ចាស់អំណោយ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការប្រឆាំងជំងឺកូវីដ១៩ខេត្ត បានលេីកឡើងដែរថា អំណោយដែល សាខាប្រេងឥន្ធនៈតេលា បានប្រគល់ជូននាពេលនេះ គឺជាការរួមចំណែកយ៉ាងសំខាន់ ក្នុងសកម្មភាពនានា ដើម្បីប្រយុទ្ធនឹងជំងឺកូវីដ១៩ ដែលជាការជួយ រំលែកទុក្ខលំបាកការខ្វះខាតរបស់បងប្អូនប្រជាពលរដ្ឋផង ជាពិសេសបងប្អូន ពលករដែលទើបតែត្រឡប់មកពីក្រៅប្រទេសវិញ និងក្រុមការងារចុះបំពេញបេសកកម្មការពារទប់ស្កាត់ការរីករាលដាល នៃវីរុសកូរ៉ូណាផង ខណៈដែលរាជរដ្ឋាភិបាលកម្ពុជា បាននឹងកំពុងយកចិត្តទុកដាក់ក្នុងការអំពាវនាវ និងណែនាំដល់គ្រប់ស្ថាប័នរដ្ឋ វិស័យឯកជន អង្គការជាតិ អន្តរជាតិ និង បងប្អូនប្រជាពលរដ្ឋ ដេីម្បី រួមគ្នាប្រយុទ្ធ ទប់ស្កាត់ ការរីករាល ដាល នៃវីរុស កូរ៉ូណា (កូវីដ១៩) ដែលជាជំងឺរាតត្បាតលើសកលលោកក្នុងពេលបច្ចុប្បន្ន ៕ ប្រភព៖ មន្ទីរព័ត៌មានខេត្តកំពង់ចាម
