ឯកឧត្តម អ៊ុំ រាត្រី អញ្ជើញជាអធិបតី ពិធីបើកការដ្ឋានស្ថាបនាផ្លូវក្រាលគ្រួសប្រវែង៧០៥០ម៉ែត្រ ទទឹង០៥ម៉ែត្រ នៅស្រុកម៉ាឡៃ ខេត្តបន្ទាយមានជ័យ ដើម្បីសម្រួលដល់ការធ្វើដំណើរ របស់ប្រជាពលរដ្ឋ

ខេត្តបន្ទាយមានជ័យ ៖ នាព្រឹកថ្ងៃទី០៣ ខែសីហា ឆ្នាំ២០២០នេះ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ អញ្ជើញជាអធិបតីពិធីបើក​ការដ្ឋា​ន​ស្ថាបនា ផ្លូវក្រាលគ្រួសប្រវែង ៧០៥០ម៉ែត្រ ទទឹង ០៥ម៉ែត្រ ពីភូមិខ្ជាយ ទៅភូមិប្រាសាទរ៉ាង ឃុំតាគង់ ស្រុកម៉ាឡៃ ខេត្តបន្ទាយមានជ័យ ដើម្បីសម្រួលដល់ការធ្វើដំណើរ របស់ប្រជាពលរដ្ឋ ដោយមានការ​ចូលរួមពីប្រធានមន្ទីរ អង្គភាព ជុំវិញខេត្ត ។