ខេត្តកំពត ៖ នៅថ្ងៃទី១៣ ខែមិថុនា ឆ្នាំ២០២០នេះ លោកជំទាវ លាង ហៃ ជាវតាយ អនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជា ខេត្តកំពត និង សហការី ព្រមទាំងមន្ត្រីប្រតិបត្តិសាខា បាននាំយកនូវចង្ហាន់ ទេយ្យទាន និងបច្ច័យ ព្រះសង្ឃចំនួន ០៣វត្ត ក្នុងខេត្តកំពត ដើម្បីថ្វាយព្រះពរដល់សម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និង សុភមង្គល ព្រះប្រធានកិត្តិយសកាកបាទក្រហមកម្ពុជា ជាទីសក្ការៈដ៏ខ្ពង់ខ្ពស់បំផុត ក្នុងឱកាសចម្រើនព្រះជន្មគម្រប់៨៤ យាងចូល ៨៥ ព្រះវស្សា នាថ្ងៃទី១៨ ខែមិថុនា ឆ្នាំ២០២០ ខាងមុខនេះ ។
