រាជធានីភ្នំពេញ ៖ នាព្រឹកថ្ងៃទី០៥ ខែវិច្ឆិកា ឆ្នាំ២០២០ នៅទីស្តីការក្រសួងព័ត៌មាន រាជធានីភ្នំពេញ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន អញ្ជើញជាអធិបតីកិច្ចប្រជុំគណៈកម្មាធិការនីតិកម្ម ក្រសួងព័ត៌មាន ដែលជាកិច្ចប្រជុំលើកដំបូង ហើយបើតាមការបញ្ជាក់របស់ ឯកឧត្តម សុខ ប្រសិទ្ធិ រដ្ឋលេខាធិការ និងជាប្រធាន គណៈកម្មាធិការនីតិកម្មក្រសួងព័ត៌មាន បានលើកឡើងថា គណៈកម្មាធិការនេះ ត្រូវបានបង្កើតឡើង កាលពីថ្ងៃ ទី១៩ ខែមិថុនា ឆ្នាំ២០២០ ស្របតាមអនុសាសន៍របស់ឯកឧត្តមរដ្ឋមន្រ្តី ក្រសួងព័ត៌មាន ដើម្បីធ្វើជាសេនាធិការ ក្នុងកិច្ចការនីតិកម្ម ពាក់ពន្ធ័ក្រសួងព័ត៌មាន ។
