លោកខៀវកាញារីទ្ធរដ្ឋមន្រ្តីក្រសួងព័ត៌មានបានបង្ហោះសារយ៉ាងខ្លីថា«សូមទោសមិនមែនរឿងអាយ៉ៃទេ។តែនេះជាឧទាហរណ៍មួយនៃការថតអគារសាធារណៈដោយមិនចាំបាច់សុំច្បាប់របស់កាសែតភ្នំពេញប៉ុស្តិ៍នៅពេលដែលគេចង់បង្ហាញការងាររបស់អង្គភាពមួយ។»ជា
ការកត់សម្គាល់សាររបស់លោកខៀវកាញារីទ្ធក្រោយពីអភិបាលខេត្តកំពតលោកម៉ៅ ធនិនកាលពីថ្ងៃទី៤ខែវិច្ឆិកាបានបញ្ជាឱ្យប្រធានមន្ទីរព័ត៌មានត្រូវគ្រប់គ្រងអ្នកសារព័ត៌មានឱ្យច្បាស់លាស់ហើយអ្នកដែលមានសិទ្ធិយកព័ត៌មានក្នុងភូមិសាស្ត្រខេត្តនេះត្រូវឆ្លងកាត់មន្ទីរព័ត៌មានជាមុនសិន៖«អ្នកដែលមានសិទ្ធិយកព័ត៌មានក្នុងខេត្តត្រូវឆ្លងកាត់មន្ទីរព័ត៌មានគ្រប់គ្រងឱ្យបានមុខសញ្ញានេះ។ ត្រូវមានការទំនាក់ទំនងផ្ទាល់ទៅអាជ្ញាធរដែនដីរបស់យើងថាថ្ងៃនេះពត៌មានមានប៉ុន្មានស្ថាប័នចុះទៅស្រុកនេះ។បើគ្មានឆ្លងកាត់មន្ទីរពត៌មានទេខ្ញុំសូមបញ្ជាឱ្យគណៈបញ្ជាការឯកភាពស្រុកចាត់វិធានការ»។មាត្រា៤០រដ្ឋធម្មនុញ្ញចែងថាសេរីភាពក្នុងការដើរឆ្ងាយជិតនិងតាំងទីលំនៅស្របច្បាប់របស់ពលរដ្ឋត្រូវបានគោរព។ប្រជាពលរដ្ឋខ្មែរមានសេរីភាពខាងការបញ្ចេញមតិសេរីភាពខាងសារព័ត៌មានសេរីភាពខាងការបោះពុម្ពផ្សាយនិងសេរីភាពជួបប្រជុំជាដើម។
