ជនសង្ស័យប្រុសស្រីចំនួន០៧នាក់ត្រូវអាវុធហត្ថឃាត់ខ្លួនកហូតបានថ្នាំញៀននឹងសម្ភារៈខុសច្បាប់ជាច្រើនទៀត

ខេត្តបាត់ដំបង៖ កម្លាំងការិយាល័យ ជំនាញ នៃទីបញ្ជាការកងរាជអាវុធហត្ថខេត្តបាត់ដំបង នៅវេលាម៉ោង ១៦និង៤០នាទី កាលពីថ្ងៃទី០៥ ខែកុម្ភៈ ឆ្នាំ២០២៥ បានឃាត់ខ្លួនជនសង្ស័យចំនួន ០៧នាក់ ស្ថិតនៅចំណុចភូមិបឹងព្រីង ឃុំព្រៃតូច ស្រុកមោងឬស្សីខេត្តបាត់ដំបង ក្នុងនោះដកហូតបានទាំងថ្នាំញៀន និងអាវុធមួយចំនួនផងដែរ។

សមត្ថកិច្ចបានបញ្ជាក់ថា៖ ជនសង្ស័យត្រូវបានឃាត់ខ្លួន៖ទី១.ឈ្មោះ គឹម វណ្ណៈ ហៅ សៀ ភេទប្រុស អាយុ ៤៥ឆ្នាំ មុខរបរកម្មកររស់នៅភូមិព្រៃដំរី  ឃុំព្រៃតូច ស្រុកមោងឬស្សី ខេត្តបាត់ដំបង នឹង មានដីកាបង្គាប់ឲ្យចាប់ខ្លួន ចំនួន០២ដីកា . ទី២.ឈ្មោះ ដន ដេតហៅ អាសុង ភេទប្រុស អាយុ ៣១ឆ្នាំ មុខរបរធ្វើស្រែ ទី៣.ឈ្មោះ រឿត រឿន ភេទប្រុស អាយុ ២៧ឆ្នាំ មុខរបរធ្វើស្រែ ទី៤.ឈ្មោះវឿន សុជៀន ភេទប្រុស អាយុ ២៥ឆ្នាំ មុខរបរកម្មករទី៥.ឈ្មោះ សឿត ស៊ាង ភេទប្រុស អាយុ ៣១ឆ្នាំ មុខរបរចាក់បាស់ ទី៦.ឈ្មោះថាច់ ដូង ភេទប្រុស អាយុ ១៧ឆ្នាំ មុខរបរធ្វើស្រែ ទី៧.ឈ្មោះ ណាន សុភក្តី ភេទស្រី អាយុ ២៩ឆ្នាំ មុខរបរមិនពិតប្រាកដ។

វត្ថុតាងដកហូតបានរួមមាន ៖ គ្រឿងញៀនប្រភេទម្សៅក្រាមពណ៌សថ្លា( ice ) ចំនួន០២កញ្ចប់ ទម្ងន់ ១.០៧ ក្រាម ( ថ្លឹងទាំងសំបក ) ទូរស័ព្ទ ចំនួន០៥គ្រឿង .កាំភ្លើងហ្គាស ចំនួន០១ដើម.ពូថៅ ចំនួន ០១ដើម.កាំបិត ចំនួន ០២ដើម.ទែម៉ូម៉ែត ចំនួន០២ .ផ្លាកលេខម៉ូតូចំនួន០៣.ជញ្ជឹងសម្រាប់ថ្លឹងគ្រឿងញៀន ចំនួន ០១.ម៉ាស៊ីនបូមទឹក ០១គ្រឿង.ម៉ាស៊ីនគោយន្ត ០១គ្រឿង.ម៉ូទ័របូមទឹក០១គ្រឿង.អាគុយ ០៦គ្រឿង

ម៉ាស៊ីនបូមខ្យល់ ០១គ្រឿង.អាំងវិចទ័របញ្ចូលអាគុយ ០១គ្រឿង.ឧបករណ៍ផ្សាដែក ០១គ្រឿង.ម៉ូតូ ០៨គ្រឿង និងឧបករណ៍ប្រើប្រាស់គ្រឿងញៀនមួយចំនួនផងដែរ។

បច្ចុប្បន្នជនសង្ស័យនិងវត្ថុតាងកំពុងឃាត់ខ្លួននៅការិយាល័យជំនាញដើម្បីចាត់ការតាមនិតិវិធី ចំណែកឯសម្ភារវត្ថុតាងដកហូតខាងលើ ជំនាញកំពុងស្រាវជ្រាវពាក់ព័ន្ធបទល្មើសទទួលផលចោរកម្មនិងស្វែងរកម្ចាស់សម្ភារទាំងនោះ ដើម្បីមានចំណាត់ការបន្តទៀត ៕តំឡើងចែកចាយដោយលោកលុចណាម