(ភ្នំពេញ)៖ រថយន្តបែនដឹកដីបើកឆ្លងកាត់ផ្លូវដែកទាំងបំពនដោយបានឃើញរថភ្លើងមកជិតដល់ក្តីនៅបន្តដំណើរទៅមុខត្រូវរថភ្លើងបុកពេញទំហឹងបណ្តាលឱ្យរងការខូចខាតធ្ងន់ធ្ងរ។ករណីនេះកើតនៅ ភូមិភ្លើងឆេះរទះលិចខណ្ឌកំបូលកាលពីរសៀល ថ្ងៃទី៧ ខែសីហា។
សាក្សីបានឱ្យដឹងថា មុនកើតហេតុរថយន្តបែនដឹកដីពាក់ផ្លាកលេខ កំពង់ចាម 3A-4157 ធ្វើដំណើរឆ្លងកាត់ផ្លូវរថភ្លើងដោយបានឃើញរថភ្លើងមកជិតដល់ក្តី។ពេលនោះ រថភ្លើងមួយខ្សែចេញពីខេត្តព្រះសីហនុឆ្ពោះទៅភ្នំពេញបាន ស៊ីផ្លេស្របរថយន្តឆ្លងផ្លូវដែកមិនផុតត្រូវរថភ្លើង បុករុញកៀបជាប់គ្នាបណ្តាលឱ្យរងការខូចខាតយ៉ាងដំណំតែមិនមានគ្រោះថ្នាក់ដល់អាយុជីវិតទេ។
ក្រោយកើតហេតុ សមត្ថកិច្ចបានចុះទៅដល់និងទាក់ទងទៅជំនាញមកស្ទូចរថយន្តចេញយកទៅរក្សាទុក រង់ចាំដោះស្រាយរវាងរថភ្លើងជាមួយម្ចាស់រថយន្តនៅពេលក្រោយ៕
